Gestern Abend in Schöftland: Aus einem härzigen Kino und der dazugehörigen ‚Kino-Bar‘ wurde in Rekordzeit ein Themen- und Eventtempel. Der Umbau des Cinema8 ist vollendet und lockt nun die Zuschauer mit neu 4 zusätzliche Kino-Säle, 2 Restaurants, 4 Bars, 1 Bowling-Bahn und vielem mehr… Ein von mir geschriebener Detailbeschrieb liegt in Schweizderdeutsch vor – einfachheitshalber copy-paste:

de neu iigang esch direkt näb de altbekannte (ond öbrigens zo 100% ned umboute) kino-bar. s gebäude gseht me jo vo de stross uus tiptop – das esch miner meinig völlig hässlich, so grau ond en verlorne rote strich dröberine. aber egal – es goot jo oms kino, ond das hebt sech definitiv vo de gebäudehülle ab. so beni nach aakunft direkt ine gange:

 erschte iidrock: es esch riesig.

zersch chonsch ine iigangshalle wo wie es flughafe-terminal gstaltet esch („check-in 1+2“ för tickets und en ‚duty-free‘-shop met popcorn-wärmer-aalag ond schläckzüg zom sälber abfülle). grad bem iigang chasch links ines restaurant (el mäx – mexikanisch) ond rechts e di goldig „byebye-bar“ wo en direkte aaschluss zo de ‚kino-bar‘ het. rechts chasch ufe zo de celtic- ond cigarlounge, zom wolke7-restuarant (me hockt ‚imne‘ alte flugzüüg), zo de cuba-bar (raucher) ond toilette. dert gets au no sones special 7D-Minikino-Simulator-Dings zom driihocke (de apparat simuliert chräft, wo bes zo 2G erwirke). metere rolltreppe chonsch denne no e 2.stock ufe, zo de hotelzimmer ond em openair-kino ufem dach. Ede Iigangshalle chonsch links au abe is UG; dert esch nomol en bar ond die 8 american-bowling-bahne (alles lüüchtet ond esch hochglanz-poliert). die 2 grosse kino-sääl send direkt nach de iigangs-halle, weme graduus lauft. ich be em ‚1‘ gsi geschter. uufgfalle esch mer as erschts, die starchi schräägi (so gsehn ich au öber en 2m-grosse typ ad liinwand) ond en extremi bäi-freiheit. d sitz send easy, ned ganz so ‚kuschlig‘ wie anderi, aber met chopfstützi (!). si händ en verträter fo dolby iigfloge wo denne 5 clips (räge, helikopter, musiker, roboter,…) zom audio-erläbnis met em neue „Dolby Atmos“-System zeigt het. chorz: lääääääääääääääääääck-du-mer! Du meinsch du setzisch direkt drin oder hesch en unsichbare chopfhöhrer ah. gwaltig klari ruum-verteilig ond en heftige bass wo di doreröttlet. Zom bild chani noni vell säge, da mer aschliessend ‚Gravity‘ in 2D händ chönne luege. Esch aber ganz guet gsi, so het me sech besser chönne of de sound konzentriere. de felm hani noni gseh (zom glöck) so esches es tolls film-erlebnis gsi – glaub deheime hätti de felm om einiges längwiiliger gfonde!

 alles in allem merksch dases halt düütschi, mittelmässigi uusbau-qualität esch (wie em europapark, halt meh of show, anstatt qualität) – aber alles in allem stimmts. es esch en event-halle worde ond ich has fasch ned chönne glaube, dasi mi do in ’schöftle‘ befinde womer usecho send… be inere ganz andere wält gsi dert inne: unglaublich.

 i mues säge, dasi wägem cinema8 worschinli weder meh es kino werde go!

http://www.cinema8.ch/

zum thema Dolby Atmos:

cin8-1 cin8-2 cin8-3 cin8-4